श्री तुळजाभवानी मंदिरात सुरु असलेल्या कामा बाबत भोपे पुजारी मंडळानी केलेल्या मागण्या पुरातत्व विभागाच्या बैठकीत मान्य
धाराशिव रिपोर्टर
श्री तुळजा भवानी मंदिर व परिसराचा विकास आराखडा व स्वनिधीतून होत असलेली मंदिर दुरूस्तीला पुर्वीपासूनच भोपे पुजारी मंडळाने निवेदने देवून उपोषण करून तिव्र विरोध दर्शविलेला होता.पाळकर पुजारी मंडळाने १० हजार लोकांच्या सह्या घेऊन देविचे गर्भगृह ३० बाय ३० चा करण्यात यावा अशी मागणी शासनाकडे केली होती.नुकतील राज्याच्या पुरातत्व वस्तुसंग्रहालयाचे संचालक डाॅ.तेजस गर्गे यांच्या प्रमुख उपस्थितीत झालेल्या बैठकीत भोपे पुजा-याच्या अनेक मागण्यांना यश आले.यात देविचे गर्भगृह,पुर्णत: न पाडता अंतराळ,शिखरांची दुरूस्ती केली जाईल,गाभारा आहे तसाच मुळ स्वरूपात ठेवावा,देविभक्तांचे कुलधर्म कुलाचार करण्याचे स्थळे पुर्वीप्रमाणेच आहे त्या ठिकाणी कायम करणे,भवानी शंकर मंडपातील अनेक स्तंभ दुरूस्ती करणे,मंदिराची पुर्वीची तटबंधी आहे तशी कायम ठेवणे याबाबत सकारात्मक चर्चा घडवून संचालक पुरातत्व विभागाकडून लेखी पत्रच हाती घेतल्याने भोपे पुजारी मंडळाने राज्याच्या पुरातन विभागाचे मंदिर संस्थानचे आभार व्यक्त केले.या बैठकीस डाॅ.तेजस गर्गे संचालक पुरातत्व व वस्तुसंग्रहालय,हेमंत दळवी उपसंचालक, जया वाहणे सहाय्यक संचालक,आर.डी.निपाणे जतन सहाय्यक,अमरराजे कदम अध्यक्ष भोपे पुजारी मंडळ,विपीन शिंदे उपाध्यक्ष पाळीकर पुजारी मंडळ,आर.एम.भोसले सहा.व्यवस्थापक स्थापत्य मंदिर संस्थान, तेजस्विनी आफळे वास्तुविशारद,साईप्रेम कन्स्ट्रक्शनचे मुकेश जाधव,सवानी हेरिटेजचे राम सवानी,हजर होते.
