पाच मोटरसायकलसह आरोपी स्थानिक गुन्हे शाखेच्या ताब्यात
धाराशिव रिपोर्टर
धाराशिव जिल्ह्यातील मालाविषयक गुन्ह्यातील आरोपीचा शोध घेवून मालाविषयक गुन्हे उघड व फरारी आरोपीचा शोध घेणे कामी पेट्रोलींग करीता असताना पथकास गुप्त बातमीदारा मार्फत बातमी मिळाली की, महादेव उर्फ गगन अरुण शिंदे रा.मस्सा यांने कोठुन तरी मोटारसायकली चोरुन आणुन त्याचे पत्राचे शेडमध्ये लावलेल्या असुन तो त्याचे मस्सा येथील राहते घरासमोर थांबलेला आहे. अशी खात्रीलायक बातमी मिळाल्यावरुन पथकाने नमुद ठिकाणी जावून त्यास ताब्यात घेवून त्याचेकडे त्यास त्याचे नाव गाव विचारले असता त्याने त्याचे नाव- महादेव उर्फ गगन अरुण शिंदे, वय 22 वर्षे, रा. मस्सा खं. ता. कळंब जि. धाराशिव असे सागिंतले.तो थांबलेल्या ठिकाणी असलेल्या शेडमधील मोटरसायकली बाबत विचारपुस केली असता त्याने उडवाउडवीचे उत्तरे दिली त्यास अधिक विश्वासत घेवून चौकशी केली असता त्यांने सदरच्या मोटरसायकली या येरमाळा, धाराशिव, ढोकी, तामलवाडी येथुन एक कर्नाटक राज्यातुन चोरुन आणलेल्या आहेत असे सांगीतले. पथकाने सदर मोटरसायकल बाबत कोठे गुन्हे दाखल आहेत याबाबत माहिती घेतील असता सदर मोटरसायकल अनुषंगाने येरमाळा, ढोकी, आनंदनगर, तामलवाडी, व कर्नाटक येथील पोस्टे लाकाल जि. बादलकोट येथे गुन्हे दाखल आहे. पथकाने दोन पंचा समक्ष आरोपी महादेव उर्फ गगन अरुण शिंदे, वय 22 वर्षे, रा. मस्सा खं. ता.कळंब याचे ताब्यातुन नमुद गुन्ह्यातील 05 मोटरसायकल एकुण 2,60,000 ₹ किंमतीचे जप्त करुन पुढील कार्यवाही कामी गुन्ह्यातील मुद्देमालासह आरोपीस आनंदनगर पोलीसांच्या ताब्यात दिले.
सदरची कामगीरी पोलीस अधीक्षक रितु खोखर व अपर पोलीस अधीक्षक शफकत आमना. यांचे मार्गदर्शनाखाली सथानिक गुन्हे शाखेचे पोलीस निरीक्षक विनोद इज्जपवार, सहाय्यक पोलीस निरीक्षक सचिन खटके, अमोल मोरे, पोलीस हावलदार विनोद जानराव, समाधान वाघमारे, नितीन जाधवर, पोलीस नाईक बबन जाधवर, पोलीस अंमलदार योगेश कोळी, चालक पोह/ महेबुब अरब,पोलीस अंमलदार विनायक दहीहंडे, प्रकाश बोईनवाड यांच्या पथकाने केली आहे.
